Se wuorden bunnen,
stieget, schunnen un düör
de Düörskmaschine jaggt.

Dat Käörn faoll drut, dat
Strauhspier bleew un dai
äs Strauhsack Denste,

wenn sick auk äs en Flauh
drin dreew, so satt doch
Liäwen drin! Wat mennste?

Sägg nich, in Strauhspiers
sätt kien Liäwen!
En Strauhspier is so tao äs
wat!

  

Kanns Leeder gar ut
Strauhspiers wiäwen un
singen usse Strauhspier-
Platt.

Luster. Strauhspier giff
di Kraft. So is't. So bliff't. -
Un häs du't schafft,

dann denk' dran, gleiw
dran ümmer wier:

Et liäwt, dat guede,
strauhen Spier.

  
Ottilie Baranowski
En Strauhspier was auk
eenmaol jung un schön un
grön an't Graien.

Dann kamm de Seiße met'n
Swung un dai de Spiers
afmaihen.
  < zurück